Sangharsh

                      SANGHARSH
 
     Safar hai Tera, manzil bhi teri
     Raah ke toofano se tu datt Kar larh
                                     Tu datt Kar larh.
     Raahein Hain teri,junoon bhi tera
     Iss baag ke kanto ko tu masal de bas
                                      Masal de bas.
     Sarhad hai teri ,seema bhi teri
     Jwala ke iss taap ko tu bhasam kar
                                           Tu bhasam kar.
     Dharkan hai teri,saanse bhi teri
      Iss jeet ke tufaan ko Tu cheer kar
                                 Tu cheer Kar aage bhar.
      Samay hai tera,hunar bhi tera
       Koyle ko taraash Kar, kohinoor bun
                                              Kohinoor bunn.
      Uss tej ke prakash se,uss abhimaan ke
       Lallat par Tu garv kar tu garv Kar.


       By :-Gagandeep kaur Nanda

The unrevealed: Aanand ...

The unrevealed:                               Aanand

            ...:                               Aanand               Chamak us seep ke moti ki               Jhalak us aabha-mandal ki               Pala...

                              Aanand

              Chamak us seep ke moti ki
              Jhalak us aabha-mandal ki
              Palak jhapakne se pehle
              Drishye ko ojhal na Kar dae.
   
Damak us saurya-mandal ki
Dhamak us Jeevan Jeet ki
Palak jhapakne se pehle
Drishye ko ojhal na kar de.

           Lalak us ras-bhandaar ki
           Sanak us Jeet ko paane ki
           Palak jhapakne se pehle
           Drishye ko ojhal na Kar de.

Mauj us Parmanand ki
Maya us kanchan se Mann ki
Palak jhapakne se pehle
Drishye ko ojhal na Kar de.
           
            Chandni heere ke pathar ki
            Moondni us Needra sagar ki
            Palak jhapakne se pehle
            Drishye ko ojhal na Kar de.

Chatta un, saaton rango ki
Sada us badli mein rehti
Palak jhapakne se pehle
Drishye ko ojhal na Kar de.
   
             Chaah us Aanand ko paane ki
              Shool ko phool banaane ki
               Palak jhapakne se pehle
               Drishye ko ojhal na Kar de.

Jaadoo us jaadonagari Ka
Kiran us taara mandal ki
Palak jhapakne se pehle
Drishye ko ojhal na Kar de.

               Saans uus Sukhmaye jeevan ki
               Chanak us cham cham vela ki
                Palak jhapakne se pehle
                 Drishye ko ojhal na Kar de

Dard us preet ko khone ka
Dava us rog ki Kya hovay
Palak jhapakne se pehle
Drishye ko ojhal na Kar de.




Meri yeah kavita samarpit hai paramanand
Kii anubhuti ko...................................
Ishwar ke is roop ko shat shat naman.

Gagandeep kaur Nanda
16 October,2017